【專家分析】Apple新增長動力靠阿里百度？

【Now財經台】據蘋果公司(Apple Inc.)最新季績顯示，內地銷售連跌7季後，上季終於恢復增長，但好大程度係依靠「以舊換新」政策帶動需求，不過，美國總統特朗普(Donald Trump)嘅關稅政策或令Apple業務復甦再遇到阻力，點睇Apple內地市場復甦前景？

南華金融集團副總裁莫灝楠直言，唔睇好Apple內地銷售，hardware方面，潛在客戶較少，換新機嘅人大部分係用開iOS嘅用戶，反觀用開Android嘅人好少會轉另一個系統，喺用戶粘性不變，同埋價格冇太大波動下，較難令用家換機，所以預期iPhone銷售會比較疲弱。

Casper續指，軟件方面，Apple有可能會喺App方面增加盈利渠道，如果Apple Intelligence推出，又可以喺同阿里巴巴(09988)，百度集團(09888)嘅合作產生Subscription Model，可能為Apple帶來新增長動力。