【息賺】減息買美債唔一定值博？

【Now財經台】美國8月非農新增職位只得2.2萬個，遠少過預期嘅7.5萬個，失業率又升至4.3%，市場估計，美國聯儲局今個月減息幾乎已成定局，高息產品仲有冇部署空間？如果美國恢復減息，債市係咪更值得投資？

獨立市場策略師何啟聰指，本港定存息最近稍為反彈，依家市面上嘅高息產品選擇唔多，所以唔少資金都選擇投資高息交易所買賣基金(ETF)，但值得留意係，今次利率下行係因為市場預期美國經濟放緩，若美國經濟急速放緩或對股市帶來顯著影響，因此，要加倍留意美國經濟放緩對股市嘅影響。

Ivan又話，依家買短債的確有利，因為市場預期美國短期有需要減息，但亦要留意，雖然歐盟國家持續減息，但受跟美國簽咗關稅協議等因素影響，債價仍要跌，因此，買債唔單止要睇息率，亦要視乎國家還債能力，如果唔睇好美國經濟前景，減息下買債亦未必一定值博。