【槓桿致勝】阿里CALL VS 牛證

【Now財經台】市傳阿里巴巴(09988)今日(10日)會公布重磅新業務發展消息，股價今朝(10日)一度升逾4%，高見147.9元，雖然集團連日有好消息，推動股價不斷破位，但好倉資金已連續2日流出，5日合計，流出逾5000萬元，現時投資者係咪應該揀牛證，避開縮窩風險？

法巴上市衍生產品部銷售及市場推廣主管李梓維指，阿里股價連日上升，市場擔心引伸波幅會下跌，但其實股價破咗前頂後，引伸波幅有再向上嘅情況，所以現階段唔需要太擔心縮窩風險。

佢又指，如果投資者繼續部署阿里好倉，依家牛證收回價較貼近阿里現價，街貨都比較多，甚至出現賣晒嘅情況，槓桿只做到6至7倍，值得留意係，年底至明年1月到期，行使價170元至180元嘅CALL，槓桿做到6至7倍，相比之下，佢建議投資者揀CALL。