【FINTERVIEW】央行繼續增持黃金撐起金價

【Now財經台】以色列昨晚(9日)空襲多哈，刺激金價一度升穿每盎司3700美元水平，除咗地緣政治因素，環球央行增持黃金亦令金價走強。此外，有數據顯示，內地8月外匯儲備回升，而人民銀行已連續10個月增持黃金，呢啲利好因素係咪會持續？

道富投資管理副總裁兼亞太區黃金策略師徐志傑指，全球央行買入黃金對金價走勢影響好大，過去幾年，各國央行買入嘅黃金數量好多，約有1000噸，佔全年全球黃金供應約30%，原因係央行估計地緣政治風險，以及「去美元化」情況持續，尤其是中國、印度、土耳其等新興國家，本身持有好多美元資產，未來或會降低美元資產比例，增加黃金資產，因此，Robin相信，環球央行增持黃金呢個利好因素將會持續。