【財經TOP SEARCH】中資投行為A股牛市搶人才？

【Now財經台】截至早上11時，1小時內《彭博》用戶關注度上升最多港股，依次為中金公司(03908)、美團(03690)、騰訊控股(00700)、泡泡瑪特(09992)及碧桂園(02007)。

市傳中金為高級iBanker開咗高級董事總經理及總監兩個新職位層級，目的係開嘅升職途徑，中資投行搶人才已醞釀咗一段時間，市傳中信里昂及招銀國際喺上個月大加初級iBanker人工30%，目的當然係留住人才，點睇中資投行搶人才同A股牛市嘅關係？

紅蟻資本投資總監李澤銘指，唔少金融機構自2022年開始，一直處於緊縮狀態，甚至要大規模裁員，不過，依家市況好轉，人手開始唔夠，所以就重新請人。

Alan續指，除咗投行，其實整體金融市場，包括內地及本港就業狀況都唔算理想，加上請人指標有滯後效應，而今輪牛市可以持續幾耐，未必係一個就業狀況指標，反而資金流動性情況，同埋官方容許A股加槓桿對呢輪牛市影響更大，所以牛市走向係取決於內地監管部門嘅態度。