【專家分析】譚智樂:阿里仍然係首選AI股

【Now財經台】美國科技巨企甲骨文(Oracle)昨晚(9日)出咗季績，表現差過預期，但股價盤後狂飆28%，主要係集團預期全年雲收入大增及增長前景理想。在港上市嘅阿里巴巴(09988)，股價今日(10日)一度炒高逾4%，高見147.9元，其後升幅收窄，同樣有雲業務嘅阿里，股價今日一度急升同Oracle有冇關？集團旗下阿里雲為生成式人工智能(Gen AI)市場提供基礎設施，亦有領導優勢，呢個憧憬係咪可以繼續推高阿里股價？

富途證券首席分析師譚智樂指，其實Oracle雲業務同阿里雲係兩回事，美國雲業務主要受惠於AI產品需求龐大，所以近期好多AI運算公司嘅股價炒高晒，加上Oracle估值相對落後，昨晚係趁好消息追落後。

Arnold續指，睇返阿里最新業績，阿里喺Gen AI市場嘅產品已連續3至4個季度維持3位數增長，反映現階段阿里嘅大模型有一定競爭力，呢個都係提升估值嘅主要元素，Arnold認為，如果睇AI主題，阿里仍然係行業首選。