【期匯決算】瑞郎兌Yen交叉盤料繼續造好

【Now財經台】近日高盛及美銀證券都建議造好瑞士法郎兌日圓，高盛目標睇189水平，原因係日本政局不確定性增加，削弱咗日圓避險吸引力，點睇呢個交叉盤？

東亞銀行財富管理部高級投資策略師黃燕娥指，瑞郎、日圓都係低息貨幣，但避險資金偏向買入瑞郎，雖然日本經濟好轉，包括國内生產總值(GDP)錄得增長等，不過，若日本出口、個人消費等受關稅影響而表現唔理想，會影響日本加息預期，對比瑞士央行減息減至零水平，未來嘅息口走向會較易掌握。

Angela續指，瑞郎兌日圓整體走勢偏好，不過，日央行口頭上仍堅持未來嘅加息部署，所以較難去到189水平，佢又估計，相關交叉盤將持續造好。