【Now財經台】停牌半年嘅中國汽車內飾(00048)，今日(18日)復牌高開逾37%，其後升幅一度擴大至逾2倍，高見0.66元，成交股數較過去100日同時段平均大增77倍，成交金額逾300萬元。
集團之前因為搵唔到旗下公司LBG嘅業務及會計紀錄，加上當時嘅會計師因為就業績不發表意見，導致公司4月起停牌。最近集團換咗新會計師及賣咗LBG業務，解決咗前核數師不發表意見嘅問題，未來要留意集團嘅業績，睇下要做幾多商譽減值。
中國汽車內飾掃除一大不明朗因素，今日復牌股價急升，但公司上半年虧損大幅擴大13倍，加上去年涉及一宗偽造公司交易案件，股份停牌前交投疏落，小心買入後好難甩手。
