【Now財經台】銀河娛樂(00027)上半年收入、經調整除利息、稅項、折舊及攤銷前盈利(EBITDA)及純利都有得升，表現亦好過預期，值得留意係，集團中期息大增40%至0.7元，回饋股東之餘，仲有冇其他啟示？
天風國際李偉傑表示，銀娛過往甚少派咁多中期息，所以今次大增派息係好理想，過往賭股主要收入來源係賭收，但近年一直有意見認為澳門需要轉型，所以唔少博企開始以綜合度假村形式發展，最近亦興起演唱會經濟，令澳門愈嚟愈有美國拉斯維加斯嘅影子。
Jason又話，今次派0.7元股息有一定指標性，預期銀娛未來唔止睇賭收表現，亦會聚焦點樣吸引人流，因此，呢0.7元可以話係公司向市場宣布變革嘅開始。
