【Now財經台】Spotify上月底出業績後股價大跌逾11%，主要係上季爆冷要蝕錢，同埋指引差過預期。反觀「同業」騰訊音樂(01698)上季多賺43%，在線音樂服務收入按年增長26%，但集團正面對內地用戶開始飽和嘅問題，未來會唔會進軍亞洲市場？騰訊音樂股價今日(13日)一度勁升逾17%，高見104元，晉身「紅底股」兼創新高，多家大行目標價都睇100元樓上，建唔建議高追？
南華金融集團副總裁莫灝楠指，騰訊音樂入股南韓SM娛樂，睇到公司有意進軍亞洲市場，雖然ARPU低，但收入依然維持增長，加埋佢對喜馬拉雅股份、SM娛樂嘅併購，令騰訊音樂可以提供更多種類嘅服務，加強公司吸引力，唔似Spotify只可以聽歌及賣廣告。
佢又話，騰訊音樂唔止ARPU有機會再增長，廣告及跟南韓娛樂圈仍有空間再搞多啲活動。
Casper認為，有貨嘅投資者可以繼續持有，始終公司嘅估值可以畀到30倍市盈率(PE)，股價升上120元唔難，但唔建議現價買入。
