【Now財經台】截至早上11時止，1小時內《彭博》用戶搜尋量最多港股，依次為碧桂園(02007)、阿里健康(00241)、世茂集團(00813)、榮昌生物(09995)及巨子生物(02367)。
碧桂園獲納入港股通後，股價連升2日，今日(9日)一度再飆逾33%，高見0.68元。深圳上周五(5日)跟隨北京、上海放寬限購政策，加上市場憧憬「金九銀十」，多隻內房股都有得升，內房呢轉升勢可唔可以延續落去？
大唐資本投資策略部總監盧志明指，內房現時處於一個可以急升，但回落會相對比較急嘅情況，只適宜短線操作，或小注作投機性部署。早前，有報道指巨型內房企業暫時形勢唔理想，只係間唔中有消息刺激股價，想部署內房嘅投資者要控制注碼及入場離場時間。
Ken又話，之前內房弱勢時，中國海外發展(00688)及華潤置地(01109)相對穩定，雖然升幅冇咁顯著，但買房能力及議價能力高，所以股價一直有得升，不過，好難短時間內好似碧桂園咁升20%，投資者要考慮自己嘅風險胃納，追求穩定升幅可以考慮中海外及潤地，投機炒作則可以留意碧桂園及世茂。
