【明日出招？】傳阿里搞團購硬撼 美團嚇到失「紅底」

【now.com財經】早前，市傳阿里巴巴(09988)好快會宣布，有全新團購產品及評價體系上線，仲話會瞄準美團(03690)嘅核心業務去打。據內媒最新引述消息報道，阿里明日(10日)將會喺杭州開一個重磅業務發布會，但冇講涉及咩範疇等細節。

不過，呢個消息已嚇散美團股價，今日(9日)午後一度急挫近5%，失守「紅底股」，其後收復部分失地，最新報100.4元，跌1.5%，暫時成交逾110億元。

阿里股價就大升，一度高見142.8元，升4%，暫時成交逾200億元。