【Now財經台】美匯指數持續偏軟，跌至1周低位，依家喺97水平上落，非美貨幣就造好，其中，泰銖創4年新高，升至31泰銖兌1美元，泰銖強勢係咪同美元弱及金價升有關？亞洲貨幣中邊隻可睇高一線？
外匯策略專家張建泰指，泰國投資者進行唔少黃金交易，當金價上升時，當地投資者就會沽金，同埋將美元兌換成泰銖，繼而推高泰銖。佢又指，雖然泰銖受弱美元影響而走強，但亦為當地經濟帶嚟另一啲問題，所以央行須入市限制泰銖升勢，因為泰銖升得太勁會影響當地旅遊業。
Ken又估計，金價至年底仍有升值空間，就算泰國央行入市遏泰銖升勢，但如果金價繼續升，泰銖仍可睇高一線。
