【Now財經台】內地時尚服裝品牌江南布衣(03306)昨日(8日)出完業績，股價今日(4日)低開5%，但已見咗全日高位，其後跌勢加劇，一度重挫逾13%，低見19.18元，最終以接近全日低位收市，報19.44元，大跌12%，全日成交股數較過去100日同時段平均增5倍。
內地經濟復甦步伐有放緩迹象，時裝呢類非必需品無可避免受影響，江南布衣旗下擁有3個品牌，其中，佔公司全年收入40%嘅品牌收入零增長，經營溢利更出現倒退。
股價方面，睇返日線圖，江南布衣今日以1支大陰燭下挫，14天相對強弱指數(RSI)急跌至50樓下，正下試上升通道底部，即19元水平，後市要睇實呢個位搵唔搵到支持。
