【Now財經台】人工智能(AI)基礎設施企業Nebius股價昨晚(9日)喺美股收市後延長交易時段飆逾50%，原因係公司同微軟(Microsoft)簽咗一單逾百億美元嘅大deal。Nebius原本係俄羅斯最大科企Yandex旗下國際雲端公司，其後剝離俄國業務，專門為企業客戶度身訂造軟件等，依家市值約153億美元，由於仲蝕緊錢，所以冇市盈率(PE)，面對呢類因一個突如其來好消息而爆升嘅股份，應該長揸等收成，還是純粹炒波幅？
易方資本副基金經理王逸研指，對於呢種中小型充滿博弈嘅公司嚟講，要適當利用股價波幅套現，唔似大型股或互聯網股份一直hold到底。佢續指，大盤股流通量及交投量較多，變相有超長線資金如轉換基金、壽險基金幫手托住個價，反觀細盤股就唔適合長揸因為...
