【Now財經台】截至早上11時止，1小時內《彭博》用戶關注度上升最多股份，依次為美團(03690)、藥明生物(02269)、中國生物製藥(01177)、百濟神洲(06160)及石藥集團(01093)。
美團股價今日(11日)低開約1.5%後，跌幅一度擴大至4.3%，低見97.3元。市場除咗關注阿里巴巴(09988)出招硬撼美團核心業務，喺對手大舉發動攻勢下，美團盈利係咪會持續受壓？兩隻股份應該點部署？
香港股票分析師協會副主席曾永堅指，現時美團喺外賣戰處於一個「屋漏偏逢連夜雨」嘅狀況，睇返內地3大外賣平台，阿里及京東集團(09618)電商業務有更強勁和穩定嘅現金流、收入支撐，若外賣戰未來再升級，美團會因為較少「副業」幫補而處於劣勢，不過，喺「嬴家通吃」下美團又唔可以避戰，呢個局面下，估計美團股價短期好難擺脫反覆向下格局。
Jasper又話，唔建議係呢個時候撈底，因為一旦阿里或京東再出招，美團股價會雪上加霜，並指失守100元關口後，要留意守唔守到90元水平。
