【Now財經台】泡泡瑪特(POP MART)(09992)發盈喜，今日(16日)股價衝高後倒跌，一度跌逾6%，低見245.2元。摩根大通指長遠集團IP變現力仍然強勁，未來催化劑包括將推出《Labubu與朋友們》動畫、與Uniqlo聯乘等。未來股價會唔會再上一層樓？投資者應否趁低吸納？
南華金融集團副總裁莫灝楠指，早前Labubu盲盒供應有限，先會將股價炒上，呢個IP被視為「年輕人嘅茅台」，賦予情緒價值，不過，呢個生態圈可以持續幾耐仍然係未知之數，建議投資者要繼續觀察一段時間，若銷量開始減少，以及出現負面新聞，就要小心股價走勢。
另一方面，閱文集團(00772)入股為全球IP提供一站式解決方案嘅「超級元氣工廠」，呢單策略投資係咪可以幫到閱文自身IP推廣？Casper指，對閱文睇法樂觀，國漫係內地潮流之一，若閱文入股玩具公司，可以食住依家IP嘅勢頭，擴展市場，有利閱文未來發展，投資者可以留意IP業務方面嘅增長。
