【Now財經台】截至早上11時止，1小時內《彭博》搜尋量最多港股，依次為騰訊控股(00700)、銀河娛樂(00027)、五礦資源(01028)、舜宇光學科技(02382)及萬洲國際(00288)。
騰訊將會喺今日(13日)收市後出業績，放榜前旗下嘅騰訊音樂(01698)搶閘交咗一份靚業績，唔少大行估計，騰訊即將出爐嘅業績都會交到貨，騰訊股價今日都升得唔錯，後市係咪值得睇好？
資深證券分析師彭偉新指，睇返市場對騰訊業績預測都幾積極進取，而帶動業務收益主要靠遊戲及廣告，估計達標冇難度，所以股價都偷步升咗上去。
Castor又話，騰訊股價已突破555元呢個重要關口，業績後有機會上試600元，但要留意呢浸升勢升得幾急，觸及600元水平後未必企得穩，建議投資者吼位食糊離場。
