【Now財經台】內地激光雷達及感知解決方案公司速騰聚創(02498)淨虧損按年收窄近50%至逾1億人仔，主要是收入按年增長逾7%，而整體收入增長就受惠於機器人產品收入按年大升1.8倍，成本及研發開支亦減少，集團下半年可唔可以維持到呢個勢頭？值得留意係，機械人相關產品毛利率遠高於輔助駕駛(ADAS)產品，會唔會成為主要增長動力？ADAS產品收入下跌情況會唔會持續？
華富建業證券投資策略聯席總監阮子曦指，見到速騰開始受惠於規模效益，有效降低原材料成本，呢份業績為市場帶嚟驚喜，雖然產品均價跌，但收入及毛利率繼續升，成功扭轉市場對公司嘅睇法。
佢又指，ADAS產品短期內難有驚喜，原因係內地嘅激光雷達已經「內捲化」，增長顯著放緩，速騰暫時側重機械人相關業務，加上產品在業界有一定知名度，可以接到唔少歐洲定單。
