【Now財經台】新股禾賽科技(02525)公開發售部分今日(9日)至周四(11日)收飛，每股發售價最高228元，發售1700萬股B類普通股，集資最多逾38億元，其實集團2021年已經喺美國上市，今次再嚟港股掛牌，定價吸唔吸引？值唔值得入飛抽？
博威環球證券金融首席分析師聶振邦指，禾賽喺美股上市時有啲亮點，包括融資金額最高、關注度高，禾賽美股股價今年累升91%，同港IPO發售價比較，仍相差約10%，加上集團去年第4季已扭虧，中長線嚟講係有投資價值，值得認購。
聶Sir又話，喺激光板塊中，禾賽市值最高，睇返市帳率(PB)，如果公司持續有錢賺，PB就會下行，去到明年比同業速騰聚創(02498)低，變得更有吸引力，所以禾賽不論港股、美股都可以睇高一線。
